Монголын залуу эрдэмтдийн холбоо (МЗЭХ), Монгол Улсын Шинжлэх Ухааны Академи (ШУА) хамтран ажиллах санамж бичиг үзэглэлээ.

2025 оны 3-р сарын 31

Монголын залуу эрдэмтдийн холбоо (МЗЭХ) болон Шинжлэх ухааны академи (ШУА) хамтын ажиллагааны санамж бичигт МЗЭХ-ны Ерөнхийлөгч Д.Хандмаа, ШУА-ийн Ерөнхийлөгч, академич С.Дэмбэрэл нар үзэглэлээ. Энэхүү санамж бичиг нь эрдэм шинжилгээний салбарт шинэ сорилт, боломжуудыг нээж, залуу эрдэмтдийн оролцоог нэмэгдүүлэх зорилготой юм.

Хоёр талын хамтын ажиллагаа нь эрдэм шинжилгээ судалгаа, инноваци, боловсролын салбарт хамтран ажиллах, шинжлэх ухаан, технологийн шинэчлэлийг дэмжих чиглэлээр өргөжих болно. Санамж бичгийн хүрээнд Монголын залуу эрдэмтдийн холбооны гишүүдийн судалгаа, туршлага солилцох, зөвлөх үйлчилгээ үзүүлэх, сургалт, семинар зохион байгуулах зэрэг олон чиглэлд хамтран ажиллах боломжийг бий болгоно.

Талууд ирээдүйд энэхүү хамтын ажиллагааг өргөжүүлж, шинжлэх ухааны салбарын хөгжилд шинэ алхам хийхэд хамтран оролцохоо илэрхийллээ.