Үйл ажиллагаа

Эрдэм шинжилгээний хурал

Эрдэм шинжилгээний хурал нь шинжлэх ухаанд суурилсан мэдлэг, судалгаанд тулгуурласан шийдлээр салбарын хөгжилд бодит хувь нэмэр оруулах зорилготой. Залуу судлаачид, эрдэмтдийн судалгааны үр дүнг танилцуулах, хэлэлцүүлэх, мэдлэг, туршлагаа солилцох цогц талбар болдог.

Уг арга хэмжээ нь шинжлэх ухааны салбарын өнөөгийн чиг хандлагыг тодорхойлж, нийгэм, эдийн засагт тулгарч буй асуудлыг судалгаагаар шийдэх боломжийг хэлэлцэх, шинэ санаа, шийдлийг дэмжих, залуу судлаачдын өсөлт хөгжилд түлхэц үзүүлэх ач холбогдолтой. Хуралд оролцогчдын бүтээл нь үнэлгээ, шагнал, нийтлэлийн хэлбэрээр дэмжигддэг.

Эрдэм шинжилгээний хурал нь салбар хоорондын уялдаа холбоог нэмэгдүүлэх, хамтын ажиллагааг өргөжүүлэх, эрдэм шинжилгээний нэгдсэн орон зайг бүрдүүлэх чухал платформ юм.

Хурлуудыг үзэх

Чуулга уулзалт

МЗЭХ-ноос санаачлан гурван жил тутамд “Монголын Залуу Эрдэмтдийн чуулга уулзалт”-ыг  зохион байгуулдаг бөгөөд уг уулзалтанд шинжлэх ухаан, дээд боловсролын салбарын төлөөлөл болсон шилдэг залуу эрдэмтэн, судлаачид оролцон улс эх орныхоо хөгжилд түлхэц болохуйц санаачлага, зөвлөмжүүдийг гарган холбогдох байгууллагуудад хүргүүлэн, тэдгээртэй хамтран ажиллаж байна.

  • 2001 оны 11сард: Монголын Залуу Эрдэмтдийн Анхдугаар Чуулга Уулзалт
  • 2004 оны 6 сард: Монголын Залуу Эрдэмтдийн II Чуулга Уулзалт
  • 2007 оны 10 сард: “Мэдлэг, Боловсрол, Оюуны чадамжинд суурилсан нийгмийг хөгжүүлэхэд залуу эрдэмтдийн оролцоо” сэдэвт үндэсний III Чуулга Уулзалт
  • 2010 оны11 сард: “Шинжлэх ухааны үйл ажиллагааны менежмент-Залуу эрдэмтдийн оролцоо“сэдэвт Уулзалт
  • 2011 оны 11 сард: “Шинжлэх ухаан – Бизнес – Залуу үе” IV чуулга уулзалт болон “Шинэ бүтээл, ашигтай загвар 2011” тус тус амжилттай зохион байгуулжээ.

Сургалт семинар

Залуу эрдэмтэн, судлаачдын мэдлэг, ур чадварыг нэмэгдүүлэх зорилгоор төрөл бүрийн сургалт, семинарыг тогтмол зохион байгуулдаг.

Эдгээр арга хэмжээнүүд нь судалгааны арга зүй, эрдмийн бичиг баримт боловсруулах, төсөл хэрэгжүүлэх чадамжийг нэмэгдүүлэхэд чиглэдэг. Сургалт, семинарын хүрээнд оролцогчид мэргэжлийн зөвлөгөө авах, туршлагатай багш, судлаачидтай харилцах, сүлжээ бий болгох боломжтой байдаг.

Гишүүдийн чөлөөт цагт зориулсан үйл ажиллагаа

МЗЭХ-ноос нийт гишүүдийнхээ идэвхи, хамтын ажиллагааг сайжруулах зорилтын дор төрөл бүрийн арга хэмжээүүдийг тогтмол зохион байгуулдаг юм. Энэхүү үйл ажиллагаанууд нь залуу судлаачид чөлөөт цагаа үр бүтээлтэй өнгөрүүлэх, танилцах, санаа бодлоо солилцох улмаар цаашдын хамтын ажлын гараагаа эхлэх ЧӨЛӨӨТ ТАЛБАР болгохыг бид зорьж байна.

  • “МОНГОЛЫН ШИЛДЭГ 100 ЗАЛУУ ЭРДЭМТЭН СУДЛААЧДЫН ШИНЭ ЖИЛИЙН БАЯРЫН ЦЭНГҮҮН”-ийг жил бүрийн 12 дугаар сард зохион байгуулдаг.
  • “ЯВГАН АЯЛАЛ” арга хэмжээг жил бүрийн 6 дугаар сард тодорхой уриа чиглэлтэй зохион байгуулдаг.
  • "ЗАНГИАГҮЙ УУЛЗАЛТ" Энэхүү чөлөөт уулзалтыг МЗЭХ-ны зүгээс тэгш тоотой сар бүрийн сүүлийн Баасан гарагт тогтмол зохион байгуулагдаг.
  • “ЗАЛУУ СУДЛААЧ НАРЫН ДУНД СПОРТЫН ТЭМЦЭЭН УРАЛДААН”-ыг тухайн үеийн нөхцөл боломжтой уялдуулан бусад олон нийтийн байгууллагуудтай хамтран зохион байгуулдаг.

 

Зангиагүй уулзалтууд

Хамтран ажилладаг олон нийтийн байгууллагууд

МЗЭХ-ны тухайн жилийн хүчинтэй үнэмлэх эзэмшдэг идэвхитэй гишүүн нь бидний хамтран ажилладаг боловсрол, урлаг соёл, спортын олон нийтийн байгууллагуудад дараах хөнгөлөлт урамшууллыг эдлэх боломжтой: 

Сантис Боловсролын Төв

“Дэлхийн хүн болохын тулд дэлхийн хэлээр ярих хэрэгтэй. Дэлхийн хүмүүсээс дутахгүй сэтгэх хэрэгтэй.” хэмээн МҮОНР-ийн “Тархины Үр” нэвтрүүлгийн хөтлөгч хэлж байсан удаатай. Бид гишүүдээ дэлхийн хүн болоход хувь нэмрээ оруулах зорилгоор "Сантис Боловсролын Төв"-тэй хамтран ажиллах гэрээтэй билээ. Тус төв нь хэрэгжүүлж буй курс болон сургалтандаа Монголын Залуу Эрдэмтдийн Холбооны үнэмлэх эзэмшдэг гишүүдэд 10 хувийн хөнгөлөлт үзүүлдэг.

Дэлгэрэнгүй мэдээллийг:

Цахим хуудас: http://www.santis.mn/

Facebook хуудас: Сантис Боловсролын Төв

Golden Gym Fitness Club

Тус Клуб нь 2008 онд үүсгэн байгуулагдсан цагаасаа хойш өдгөө тасралтгүй үйл ажиллагаагаа явуулж буй Монголын анхны фитнесс клубуудын нэг бөгөөд Тэдний эрхэм зорилго бол: “Нийтийн биеийн тамирыг хөгжүүлэх үйлсэд хувь нэмрээ оруулан дэлхийн стандартад нийцсэн техник технологийг эх орондоо нэвтрүүлж, үйлчлүүлэгчдийнхээ хүсэл сонирхлыг дээдлэн, мэдлэг чадвар оюун ухаанаа дайчлан, салбартаа тэргүүлэгч байгууллага болно.” хэмээн өөрийн цахим хуудаснаа нийтэлжээ.

Тус Клуб нь Монголын Залуу Эрдэмтдийн Холбооны үнэмлэх эзэмшдэг бүх гишүүдэд 5 хувийн хөнгөлөлт үзүүлдэг.

Мэдээллийн эх сурвалж:

Facebook хуудас: Golden Gym Fitness Club